మొదట అనుష్క పాడిన పాట భావం చాలా బాగుంది.
మంచి మంచి సంభాషణలు వున్నాయి.

నీళ్ళని ఒకడు పానీ అంటాడు. ఒకడు వాటర్ అంటాడు.
దేవుడు ఒక్కడే. పేర్లు వేరు.

చాలా చాలా మంచి సంభాషణలు వున్నాయి.
కొన్ని చోట్ల మాటలు వుండవు. వాటి అవసరం లేకుండా చూపించటం చాలా మంచి, గొప్ప విషయం.

అన్నీ రాసేస్తే చిత్రం ఎవరు చూస్తారు చెప్పండి.
చాలా చక్కని చిత్రం. A  సర్టిఫికేట్ వున్నా, పిల్లలతో చూడతగిన చిత్రం.
చిత్రం చివరిలో అందరు మంచిగా మారిపోతారు.
మరి మనమేం చేయాలి అని మన మనసు మనలను అడుగుతుంది.
ఈ సినిమా చూసాక ఏదైనా ఒక మంచి పని చేయాలి అనిపించింది.
(ఎప్పుడు చేయరా అని అడగకండి. ఎన్ని సార్లు తిన్నా మళ్ళీ మంచి భోజనం చేయాలనిపిస్తుంది. అలాగే ఇది కూడా.)

తింటానికి తిండి వున్నది
వుంటానికి ఒక గుడిసె వున్నది
జేబునిండా చిల్లర వుంది
ప్రశ్నలు అడిగే మనుషులందరికి
జవాబు చెప్పే ధైర్యంవుంది

విందుభోజనం పై ఆశలు లేవు
లంకంత ఇల్లు నాకక్కరలేదు
అనారోగ్య జీవికి స్వర్ణ మెందుకు?
దానంచేయని చేతికి సొమ్ములెందుకు?
జవాబు చెప్పే ధైర్యంవున్నా
ప్రశాంత జీవనం నా జీవిత ధ్యేయం

జానేడు పొట్టకు
గుప్పెడు మెతుకులు
కనిపించని ఆత్మకు
కనిపించే దేహం
ఆరడుగుల దేహానికి
ఒక చిన్న గుడారం
కష్టపడటం
దైనందిన కర్తవ్యం
ఫలితం దక్కుట
దేవుని చిత్తం

చివరి రోజున
నలుగురు మనుషులు
కాటికి చేర్చి
ఖననం చేస్తే
భూమికి మిగిలెను
పిడికెడు బూడిద

ఏముందని అడక్కు నేస్తం
ఎంతుందని అడక్కు నేస్తం
నువ్వు నాకు తోడుంటే
ఆనందమె ఈ జీవిత పరమార్ధం

-0-
భవాని
Date: Feb-16-2009, Atlanta, USA